Sciopa' passeggiavo

e come tanti altri giorni in giro me vardavo,

Cantavo strofe, vardando tope, ma me smonavo

ogni giorno ea stessa solfa, stessa minestra che te ingolfa

Basta routine basta me gira ea testa!

Basta routine basta me gira ea testa! (i fioi)

Ma un giorno tajando na cae go visto na bionda, na bombaa

na roba massa granda, ea caminava eenta

e a un certo punto el so' sguardo me incontra!

Ea vardo ea me varda ea rivardo ea no me varda piu'

ghe seguo el profumo a diese metri o poco piu'...

suea testa pensieri camina na rosa che strofa che rima,

che strano Gustavo sentirse cussi'!

Me sento imbriago imbriago e bambin..

si si', imbriago e bambin..

Vojo sogar co chea putea!

in gondoeta te porto, altroche' in carossea..

Voria voria, ma no riesso gnanca a parlar

me sa che qua, mi so el vero bacaea'! (bacaeaa'!!)

Ma a un certo punto ea se ferma all'improvviso

se varda intorno, mi ghe sorrido!

Incontro ghe vado, sguardo guaivo

tra mi e mi me digo: "ti xe' gustavo, miga l'ultimo cretino!"

---

- "hemmh... ok... hemm... ciao... sai, e' da un po' che ti osservo..

...so de esser inopportuno maaa..... ...posso offrirti un bianco?!?"

(eco go sbaja' tuto) - "Cosa?"

- "hemm un rosso?? (basta Gustavo ndemo casa!!)

- "aahh??"

- "un Crodino, n'aracetta.."

- "scusa non capisco"

---

Dall'imbarasso che provo moriria in sto momento..

(dai gustavo ouuu..) - ma me riprendo:

"Ok me ciamo Gustavo e me presento,

so' del posto e l'italian eo parlo a stento...

Te go visto e scusa se insisto..

voria dedicarte na strofa del me prossimo disco!"

-"che simpatico che sei, eheheh come hai detto che ti chiami?"

-Erhm- Gustavo!

e cussi' na paroea tira staltra, na batua na bireta

e el pomeriggio ne scampa dae man!

go sta bionda massa bea fioi massa bea

- (Ouu quanto bea ouuuu) - (i fioi)

No posso perche' ea xe' massa bea!!

ma come tute e robe bee prima o poi finisse

do basi nee ganasse

e me ritrovo coi pensieri tra e scoasse..

eh si fioi.. coi pensieri tra e scoasse!

---

e desso cossa fasso? ea serco o no ea serco?

go bisogno de aiuto diseme vialtri cossa posso far!

- (ghesboro, vien in ostaria, sborighee!) - (i fioi)

eco i soiti, i soiti masci, quatro gai... quatro gai..

Fie, aiuteme vialtre, cossa go da far?

diseme, cossa go da far?

(serchia Gustavo, serchia! mandighe i basi! Vien da mi) - (e fie)

---

Ok, siori e siore, questa gera ea storia dea maga bionda

che a Gustavo el cuor ghe ga strega' eh si..

e anca per stasera xe' ndada..

da Gustavo e el so trio...... Bona notte!